Për shkak të uljes së rasteve të reja me COVID-19 në vendin tonë, ka rënë edhe interesimi i qytetarëve për t’u vaksinuar.

Kështu thotë për arbresh.info infektologu në Klinikën Infektive, Ilir Tolaj.

Ai thotë se, bindja e qytetarëve ka ndryshuar rreth vaksinimit.

“Pasi që numri i rasteve të reja me covid-19 është jashtëzakonisht i vogël edhe interesimi i qytetarëve për vaksinim ka rënë, po ashtu në anën tjetër situata çdo kund në botë është më e qetë, masat po liberalizohen dita ditës, edhe bindja e qytetarëve ka ndryshuar në lidhje me vaksinimin”, deklaron ai.

Sipas tij, pjesa më e madhe e pandemisë ka përfunduar, dhe këtë mund ta quajmë edhe si përfundimi i Covid-19.

“Pjesa më e madhe e Covid-19 ka përfunduar nuk e besoj që do të ballafaqohemi më me ndonjë valë të re të këtij virusi, prandaj mund ta quajmë edhe fundin e pandemisë”, thotë Ilir Tolaj.

Vetëm gjatë 24 orëve janë vaksinuar 46 persona, për dallim nga muajt e tjerë që numri i të vaksinuarve arrinte mbi 5 mijë brenda kësaj periudhe.

Rikujtojmë se, vaksinat e para në vendin tonë kanë arritur në mars të vitit 2021, dhe deri më tani 1.819.625 persona janë vaksinuar kundër Covid-19.

Ndërsa, aktualisht në vendin tonë janë 632 raste aktive me COVID-19. /Fjolla Bajraktari/arbresh.info/